[Deputación Provincial de Pontevedra / Diputación Provincial de Pontevedra]
LUNS, 19 DE NOVEMBRO DE 2018 Páxina de inicio Mapa de contidos Directorio de contacto Directorio telefónico Axudas á navegación
   Está en » depontevedra.es » Deputación de Pontevedra » Taboleiro de anuncios » Novas do Plan Estratéxico
Páxina Principal
Taboleiro de anuncios
Boletín Oficial da Provincia
Emprego Público
Subvencións, axudas, bolsas...
Perfil do contratante
Cursos
Extractos do Pleno
Extractos da
Xunta de Goberno
Decretos Presidenciais
Notas de Prensa
Novas do Plan Estratéxico
Axenda

NOVAS DO PLAN ESTRATÉXICO 

O Consello Rector do Plan Estratéxico da Provincia de Pontevedra queda constituído

Os membros do Consello Rector do Plan Estratéxico Provincial


DEPUTACIÓN DE PONTEVEDRA
Plan Estratéxico Provincial 2010

06 OUTUBRO 2004


O Consello Rector do Plan Estratéxico da Provincia de Pontevedra quedou hoxe constituído no Pazo Provincial. Toman parte deste órgano que rexerá o desenvolvemento do traballo de diagnóstico e redacción o presidente da Deputación de Pontevedra, Rafael Louzán, e os deputados José Juan Durán e Francisca Canal por parte do grupo de goberno da institución; os deputados Juan Manuel Rei e Xabier Toba como representantes dos grupos do PSOE e do BNG, respectivamente, na oposición provincial, e por Antonio Gómez Rivera, subdirector xeral de Caixanova, a entidade que está redactando o Plan Estratéxico a través da súa Escola Para as Administraciones Públicas.

No que respecta á elaboración do Plan Estratéxico Provincial, o plan de traballo está articulado en catro fases: descrición e diagnóstico, formulación estratéxica, deseño normativo e elaboración final dun documento con aspectos operativos que permitan a súa aplicación.


CASE UN 95 POR CENTO DE PARTICIPACIÓN

Ata o de agora, -na fase de descrición e diagnóstico- o equipo do Plan entrevistouse coa práctica totalidade dos alcaldes e líderes da oposición dos 62 concellos da provincia así como con boa parte dos voceiros dos restantes grupos políticos con representación nos municipios da provincia. A participación dos políticos municipais nesta liña de traballo achegouse ó 95 por cento das enquisas propostas.

O modelo de inquérito que se trasladou ós políticos dos concellos da provincia estructurouse en tres fases: a primeira relacionada co propio Concello e as liñas de actuación prioritarias para os vindeiros anos, nunha segunda parte analizáronse as principais oportunidades e freos ós que se enfronta a provincia nun futuro próximo e un terceiro bloque ocupouse da Deputación de Pontevedra, facendo especial fincapé nos servizos que lle presta ó Concello e nas liñas nas que debería centrar a súa actuación.

Esta primeira fase de descrición e diagnóstico complétase cunha análise do entorno xeral que lle foi encargado a expertos da Universidade de Vigo –o Pleno da Deputación acordou que a Universidade tivese un papel activo na redacción do plan-, das outras universidades galegas e de empresas que traballan coas administracións; e coa creación de mesas sectoriais para definir as liñas de traballo concretas.

Deste xeito, os expertos realizarán a diagnose de nove novas áreas de actividade: análise económica e análise empresarial (Xosé Luís Outes), imaxe territorial e turismo (Carles Canto), mobilidade (Xoán Leiceaga), xestión pública (Argimiro Rojo), sociedade da información (Carlos Suárez Rei), desenvolvemento e calidade de vida (José Luis Veira), medio ambiente (Amancio Landín) e poboación, territorio e vivenda (José Pérez Vilariño).

Tamén dentro de esta primeira fase de traballo, o equipo redactor do plan realizará unha investigación a través de 2.000 enquisas telefónicas que se realizarán a cidadáns da provincia elixidos pola representatividade social, política, económica, de idade, nivel de estudios, etc.. Este primeiro traballo de achegamento á realidade da provincia e da Deputación de Pontevedra contemplou, asemade, a realización de consultas ós responsables técnicos da institución provincial.



INICIO | VOLVER ARRIBA Última modificación 30/11/2004 11:29
Copyright © 2002-2018, Deputación de Pontevedra. Reservados todos os dereitos. | Aviso Legal
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depontevedra.es/