[Deputación Provincial de Pontevedra / Diputación Provincial de Pontevedra]
LUNS, 19 DE NOVEMBRO DE 2018 Páxina de inicio Mapa de contidos Directorio de contacto Directorio telefónico Axudas á navegación
   Está en » depontevedra.es » Deputación de Pontevedra » Taboleiro de anuncios » Novas do Plan Estratéxico
Páxina Principal
Taboleiro de anuncios
Boletín Oficial da Provincia
Emprego Público
Subvencións, axudas, bolsas...
Perfil do contratante
Cursos
Extractos do Pleno
Extractos da
Xunta de Goberno
Decretos Presidenciais
Notas de Prensa
Novas do Plan Estratéxico
Axenda

NOVAS DO PLAN ESTRATÉXICO 

A Mesa de mobilidade do Plan Estratéxico avanza que a principal problemática da rede viaria provincial e a alta saturación das zonas costeiras e da autopista A-9 á altura de Rande

A provincia de Pontevedra soporta a densidade de estradas máis elevada de Galicia. Destas, o 50 por cento son competencia da Deputación Provincial



DEPUTACIÓN DE PONTEVEDRA
Plan Estratéxico Provincial 2010

26 OUTUBRO 2004


Un avance do estudo de mobilidade para o Plan Estratéxico Provincial revela que a provincia de Pontevedra posúe a densidade de estradas máis elevada de toda a comunidade galega con 772 quilómetros de estradas por 1.000 quilómetros cadrados de superficie. Asemade, segundo fontes do Ministerio de Fomento, no ano 2002 a provincia de Pontevedra contaba con 3.448 quilómetros de estradas das cales 1.720 quilómetros son competencia da Deputación, é dicir, o 50 por cento da rede viaria principal.

Con respecto á ocupación da rede viaria obsérvase unha gran saturación das vías costeiras e da zona sur da provincia cunha media diaria de 15.000 vehículos en tramos da C-550, na península do Salnés; 20.000 vehículos na C-531 de Vilagarcía a Pontevedra así como na N-550 de entrada á capital; 23.000 na N-558 de Pontevedra a Marín; e, finalmente, na N-552 que comunica Baiona e Nigrán con Vigo, que soporta unha intensidade diaria de 16.000 coches, igual que na N-550 de Redondela a Vigo.

A autopista A-9 constitúe outro punto de gran saturación cunha media de 32.000 vehículos diarios rexistrados no 2002, no tramo situado na cidade de Pontevedra, e 48.000 na ponte de Rande, dos cales 14.000 movementos procedían da península do Morrazo.


REUNIÓN DA MESA DE MOBILIDADE DO PLAN ESTRATÉXICO

O Pazo Provincial acolle hoxe pola tarde unha reunión da Mesa de Mobilidade da que son responsables Xoán Leiceaga Baltar e Esteban López Figueroa, catedrático e mestre, respectivamente, da Universidade de Vigo, no departamento de Deseño na Enxeñería.

A mesa estará composta, asemade, por Javier D´Bidegain García, subdirector de ordenación do Transporte; Raúl López López, xerente de Autocares Mombus; María Fernanda Pardo Pedernera, directora provincial de Tráfico de Pontevedra; Antonio Coello Buffil, concelleiro de Tráfico do Concello de Vigo; Juan Ramón Comesaña Alén, xefe de Seguridade e Mobilidade; José Crespo Boullosa, presidente da Asociación de Taxis para a provincia de Pontevedra e municipios; José Manuel Abad Patiño, xefe da división de explotación da Autoridade Portuaria de Marín; Carlos Gil Suárez, enxeñeiro técnico do departamento de Vías e Obras da Deputación de Pontevedra; e, finalmente, Alfredo Montero Vaz e Baltasar Pujales Estevez, enxeñeiros técnicos do departamento de Vías e Obras da Deputación.





INICIO | VOLVER ARRIBA Última modificación 30/11/2004 11:36
Copyright © 2002-2018, Deputación de Pontevedra. Reservados todos os dereitos. | Aviso Legal
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depontevedra.es/