[Deputación Provincial de Pontevedra / Diputación Provincial de Pontevedra]
LUNS, 22 DE ABRIL DE 2019
   Está en » depontevedra.es » Deputación de Pontevedra » Taboleiro de anuncios » Novas do Plan Estratéxico
Páxina Principal
Taboleiro de anuncios
Boletín Oficial da Provincia
Emprego Público
Subvencións, axudas, bolsas...
Perfil do contratante
Cursos
Extractos do Pleno
Extractos da
Xunta de Goberno
Decretos Presidenciais
Notas de Prensa
Novas do Plan Estratéxico
Axenda

NOVAS DO PLAN ESTRATÉXICO 

O oitenta por cento dos cidadáns enquisados para a elaboración do Plan Estratéxico consideran necesaria a existencia da Deputación



DEPUTACIÓN DE PONTEVEDRA
Plan Estratéxico Provincial 2010

05 ABRIL 2005


O 80 por cento dos cidadáns enquisados para a elaboración do Plan Estratéxico Provincial impulsado pola Deputación de Pontevedra consideran necesaria a existencia da institución provincial. Asemade, o organismo provincial constitúe a segunda entidade en grao de coñecemento por parte dos cidadáns despois do seu concello e seguido das autoridades portuarias, Consorcio Zona Franca, Turismo Rías Baixas, confederacións de empresarios, mancomunidades e fundacións para o Desenvolvemento comarcal. De todos os xeitos, o grao de coñecemento que os enquisados teñen sobre as institucións revélase moi baixo.

Segundo recolle este inquérito, os cidadáns da provincia entenden que a principal función que desenvolve a Deputación correspóndese coas actuacións en estradas e obras públicas, seguidas do apoio á xestión municipal, actividades culturais e educativas e Servizos Socais, Muller e Xuventude.

Polo que se refire ós departamentos da Deputación máis coñecidos polos veciños da provincia de Pontevedra consultados na enquisa, as respostas foron maioritariamente para Servizo Central; Cultura, Xuventude e Deportes; Contratación, Facenda e Patrimonio; Arquitectura e Urbanismo, Presidencia; Vías e Obras e Gabinete da Presidencia.

De todos os xeitos, o grao de coñecemento da Deputación por parte dos cidadáns é baixo: cerca do 10 por cento dos enquisados estivo algunha vez no Pazo Provincial, case o 20 por cento coñece o nome ou departamento da institución provincial ou o nome do presidente e máis do 10 por cento coñece algún evento ou acto promovido pola Deputación, entre os que se destacan as festas, a programación musical, o deporte e a cultura. Aínda así, o grao de satisfacción dos cidadáns que participaron na enquisa cos servizos que coñecen é medio-alto (case un sete sobre dez).

Por outra banda, os cidadáns que participaron no inquérito opinan que a institución provincial debería centrar a súa actuación en estradas e obras públicas, promoción económica, empresarial e de emprego, servizos sociais, muller e xuventude; ademais de parroquias e rural. Pola contra, ningunha das persoas requiridas entende que debese recadar impostos.


METODOLOXÍA

O equipo redactor do Plan Estratéxico, da Escuela para las Administraciones Públicas de Caixanova realizou enquisas telefónicas en fogares de 1.649 cidadáns da provincia de Pontevedra maiores de 18 anos. O 75 por cento dos enquisados teñen idades comprendidas entre os 25 e os 65 anos, máis do 60 por cento son mulleres e case o 70 por cento conta con estudos primarios ou primarios incompletos.

Os inquéritos fóronlle trasladados a 330 veciños dos municipios urbanos (Marín, Pontevedra, Vigo e Vilagarcía), outros 330 cidadáns de concellos de costa-turismo (Baiona, Cambados, Cangas, o Grove, A Guarda, Nigrán, Poio e Sanxenxo), 329 persoas de concellos costeiros (Bueu, Moaña, Oia, Redondela, Soutomaior, Vilaboa, Vilanova e Illa de Arousa), 330 veciños de territorios rururbanos (Caldas, A Estrada, Gondomar, Lalín, Mos, Porriño, Ponteareas e Tui) e 330 persoas de concellos do rural (Arbo, Barro, Campo Lameiro, A Cañiza, Catoira, Cerdedo, Cotobade, o Covelo, Crecente, Cuntis, Dozón, Forcarei, Fornelos, Agolada, A Lama, Meaño, Meis, Mondariz, Mondariz-Balneario, Moraña, As Neves, Pazos, Portas, Ponte Caldelas, Pontecesures, Ribadumia, Rodeiro, O Rosal, Salceda de Caselas, Salvaterra, Silleda, Tomiño, Valga e Vila de Cruces).



INICIO | VOLVER ARRIBA Última modificación 05/04/2005 16:09
Copyright © 2002-2019, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depo.gal/